По долга пауза од 500 дена поради сериозни повреди, американскиот плејмејкер на Олимпијакос, Кинан Еванс, се врати синоќа на кошаркарскиот терен. На влезот го пречекаа со аплаузи, но само две минути подоцна, неговото радосно враќање се претвори во кошмар. Во натпреварот против неговиот поранешен клуб Жалгирис, Еванс влезе во игра при крајот на првата четвртина. Публиката во “Дворецот на мирот и пријателството” го дочека со овации, а навивачите подигнаа транспаренти за добредојде. Неговото задоволство траеше токму две минути и една секунда.
Без контакт со противничкиот играч, при еден напад, Еванс падна на подот држејќи го својот лев глужд. Со болни извици и повик: “Не може да биде!”, соиграчите го изнесоа од теренот. Видеото од моментот можете да го видите ТУКА. Медицинските испитувања по натпреварот потврдија дека станува збор за кинење на ахиловата тетива на левата нога. За Еванс оваа сезона завршува, а го очекува трет долготраен и напорен опоравок во помалку од три години.
Учество во игри на среќа е дозволено за лица со 18+ години. Играј одговорно!