Во дербито од 11. коло на италијанското фудбалско првенство, Интер извојува победа над Лацио со резултат од 2:0 на Сан Сиро, со што го презеде врвот на табелата. Домаќините поведоа уште во третата минута со гол на Лаутаро Мартинез, што беше првиот погодок што тимот од Рим го прими по четири натпревари. Победата на Нераѕурите ја потврди Анџе Бони во 62. минута.
По завршувањето на натпреварот, тренерот на Лацио, Маурицио Сари, изрази желба за ангажирање на странски судии: “Судијата не влијаеше на исходот од натпреварот. Интер ќе победеше без оглед кој судеше. Сепак, мислам дека италијанските судии не се на ниво на задачата. Време е да ангажираме странски судии затоа што ситуацијата е сериозна,” изјави Сари.
Исхрана, повреди и тренинг – совети од доктор по спортска медицина | Уште еден поткаст
За Интер ова беше четврта последователна победа во сите натпреварувања и десетта во последните единаесет натпревари. Од друга страна, Лацио го претрпе првиот пораз во последните седум натпревари. Последниот пораз за небесно-сините беше на 21 септември во дерби натпреварот против Рома (0:1).
Учество во игри на среќа е дозволено за лица со 18+ години. Играј одговорно!