Рони Колман, легендарниот боди-билдер и осумкратен победник на натпреварот Mr. Olympia, повторно се соочува со тешки предизвици во неговиот живот.
Долго време се знае дека имал здравствени проблеми, но последните месеци се справува со сè посериозна инфекција – сепса, што го држи прикован за постела. Сепсата е болест која може да биде смртоносна ако не се лекува навреме.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Неговото семејство потврди дека станува збор за “комплексна и сериозна состојба”, па легендарниот боди-билдер е хоспитализиран во специјализирана установа под постојан надзор на лекарите.
При третманот на инфекцијата, лекарите откриле дополнителен медицински проблем кој бара итен хируршки зафат.
Според американските медиуми, функционалноста на Колмановото срце е сведена на само 20 отсто, што уште повеќе ја влошува неговата состојба.
Да потсетиме, Колман веќе години наназад води борба со последиците од неговата екстремна кариера.
По бројни операции на грбот, вратот и колковите, што се повеќе од тринаесет на број, тој остана делумно неподвижен. Денеска се движи со помош на количка или патерици, а хроничните болки ги опишува како постојан придружник.
“Знаев дека стилот на животот ќе има последици, но не очекував да биде толку тешко. Минатите недели ми се најтешките во животот”, изјави неодамна.
Учество во игри на среќа е дозволено за лица со 18+ години. Играј одговорно!