Доминација на ПСЖ во идеалниот тим на FIFPRO за годината, Јамал го подобри рекордот на Мбапе

FIFPRO го објави идеалниот состав од 11 фудбалери за 2025 година, избрани од листата од вкупно 26 играчи.

Како што беше очекувано, со најмногу фудбалери во избраната единаесетка е европскиот шампион Пари Сен Жермен – четворица, а ако додадеме и неодамна префрлениот во Манчестер Сити Џанлуиџи Донарума, тогаш близу половина од идеалниот тим се состои од играчи на Парижаните. Во гласањето учествувале над 26 000 професионални фудбалери од 68 држави ширум светот.

Се разбира, во идеалната единаесетка се наоѓа носителот на “Златна топка” Осман Дембеле, а таму се и неговите соиграчи Нуно Мендеш, Ашраф Хакими и Витинија, како и веќе споменатиот Донарума.

Во најдобриот состав за годината се и големите ѕвезди на Барселона и Реал Мадрид Ламин Јамал и Килијан Мбапе, при што шпанските клубови имаат по двајца претставници во избраниот тим – соодветно уште Педри и Џуд Белингам. Само на 18 години, големиот талент на Каталонците Јамал станува најмладиот играч кој некогаш бил избран во машката единаесетка на светот. Тој го подобрува рекордот токму на Мбапе од 2018 година, кога францускиот напаѓач беше избран во тимот на 19-годишна возраст.

Во тимот на FIFPRO се и капитенот на шампионот на Англија Ливерпул Вирџил ван Дајк и ѕвездата на светското клубско првенство Челси Коул Палмер.

Мегаѕвездите на светскиот фудбал и ветерани Лионел Меси и Кристијано Роналдо беа номинирани, но не се најдоа меѓу идеалните единаесет.

This is the 2025 FIFPRO Men’s #World11, voted by players worldwide.

🇮🇹 Gianluigi Donnarumma

🇲🇦 @AchrafHakimi
🇵🇹 Nuno Mendes
🇳🇱 @VirgilvDijk

🏴 @BellinghamJude
🏴 Cole Palmer
🇪🇸 @Pedri
🇵🇹 @Vitinha

🇫🇷 @DemBouz
🇫🇷 @KMbappe
🇪🇸 Lamine Yamal pic.twitter.com/yDeqAfQz2y

— FIFPRO (@FIFPRO) November 3, 2025