Бербатов го спореди Вирц со Модриќ: “Ќе биде феномен, само му треба време”

Германскиот талент Флориан Вирц сè уште не ги исполнил сите очекувања во Премиер лигата, каде што во новата сезона не успеа да забележи погодоци и асистенции. Сепак, поранешниот водечки напаѓач и легенда на Манчестер Јунајтед, Димитар Бербатов, е убеден дека младата ѕвезда наскоро ќе ги оправда високите цели поставени пред него.

Во подкастот “Rio Ferdinand Presents”, Бербатов го истакна Вирц како “фантастичен фудбалер” и е сигурен дека ќе биде неверојатен. Иако сега не оставил значаен отпечаток во Англија, Бербатов верува дека Вирц со време ќе ја покаже својата умешност, а неговото вклопување во тимот ќе биде пресудно за неговиот успех.

“Го обожавам. Тој е фантастичен фудбалер. Ќе биде неверојатен, верувајте ми”, изјави Бербатов.

“Сигурен сум дека сите ја осознаваат неговата квалитетност и ќе му дадат време за да се вклопи во тимот. И гарантирам дека ќе биде успешен.”

Бербатов го спореди Флориан Вирц со хрватскиот плејмејкер Лука Модриќ, истакнувајќи ги сличностите во нивниот стил на игра, способностите за позиционирање, допирот со топката и импровизацијата. Бербатов е убеден дека, иако Вирц можеби не ја поседува “идеалната физичка градба” за Премиер лигата, неговиот ментален и технички талент може да направи разлика, како што тоа го прави Модриќ, кој стана легенда и пример за тоа како играчи со помала физичка сила можат да растураат на највисоко ниво.

“Начинот на кој тој го гледа фудбалот, како наоѓа простор, како знае да се позиционира, допирите со топката, импровизацијата, окото за додавања и голови… Секако, може некој да каже дека неговата физичка конституција не е идеална за Премиер лигата. Но, лесно може да се увидат одлични играчи на неговата позиција, како што е Модриќ, со слична градба”, изјави Бербатов.

Бербатов не можеше да се воздржи да направи споредба со Модриќ, кого го нарече “нешто неверојатно”, и изрази дека исто како и него, и Вирц е играч кој бара трпение за да се развие неговата извонредна квалитетност.

“Модриќ. Неверојатно чудовиште! Нешто што зачудува. И затоа меѓу другото, Вирц треба да добие време. Мислам дека ќе биде неверојатен за Ливерпул,” заврши Бербатов.