Ужас во Србија: Коме со џудисти се преврте на автопат, едно дете загина!

На автопатот Белград – Нови Сад се случи ужасна сообраќајна несреќа кога комбе излета од патот, при што загина едно дете.

Министерството за внатрешни работи брзо реагираше и издаде соопштение по повод несреќата:

U\”На државниот пат од прв ред, во насока Белград – Нови Сад, утрово околу 03.47 часот, дојде до сообраќајна несреќа во која едно дете загина, а повеќе лица се повредени.

Според првичните информации, од непознати причини, комбе марка ‘опел виваро’ со белградски регистарски таблички, управувано од С. С. (1982), се превртело на патот. Внатре се наоѓале осум малолетни патници на возраст од 13 до 16 години, членови на џудо клубот ‘Партизан’ од Белград, кои се враќале од меѓународен спортски камп и натпревар во Азербејџан.

Еден 16-годишен малолетник починал на лице место, додека осум лица, вклучувајќи го и возачот, со различни повреди, се пренесени во Клиничкиот центар на Војводина во Нови Сад.

Тестирањето со алкотест покажа дека возачот на комбето не бил под дејство на алкохол. На местото на настанот е во тек увидот, по наредба на надлежниот јавен обвинител.”