Дибала е подготвен да ја намали својата плата за да остане во Рома

Спортскиот директор на Рома, Фредерик Масара, ќе мора да се справи со неколку тешки прашања во јануари, вклучувајќи ги и истекувањата на договорите на Зеки Челик, Лоренцо Пелегрини, Стефан Ел Шаарави и Пауло Дибала.

Додека случаите со првите тројца се уште се отворени, приоритет за клубот изгледа обновувањето на договорот на Дибала, пишуваат италијанските медиуми.

Аргентинецот често страда од повреди и сакаше да се тестира физички дали ќе успее да се вклопи како клучен играч во проектот на Гасперини. Во моментов, Дибала добива околу 8 милиони евра по сезона, но играчот е склон да прифати намалување на платата за да остане во Рим. Преговорите ќе започнат во наредните недели, соопшти “Кориере дело спорт”.