Поранешниот бразилски репрезентативец Дани Алвеш помина 14 месеци во затвор, откако беше обвинет за сексуален напад. Сепак, во март оваа година, Вишиот суд на Каталонија го ослободи, откако одлучи дека нема доволно докази за делото.
Случајот предизвика огромен медиумски одглас, бидејќи првично му беше изречена казна од над четири години затвор.
Во моментов, поранешниот играч на Барселона води сосема поинаков живот, далеку од медиумите и професионалниот фудбал. На социјалните мрежи се шират различни видеа, на кои се гледа како тој проповеда во црква во Жирона — поточно во црквата Elim Girona. За време на неговото излагање можат да се чујат зборови како: „Треба да имаш вера; јас сум доказ за тоа. Зашто она што Бог го ветува, Бог го исполнува.“
Коментари
Учество во игри на среќа е дозволено за лица со 18+ години. Играј одговорно!