Барселона купува од Премиер лигата, голем ривал во конкуренција за потпис!?

Ханси Флик од летото 2024 година ја презеде Барселона и брзо создаде тим што доминира во Шпанија.

Додека не е познат датумот на враќање на Камп Ноу, познато е дека шпанскиот гигант веќе размислува за засилувања. Според пишувањата на “Фичајес”, голема желба на германскиот тренер е Данијел Муњоз, колумбиски фудбалер од Кристал Палас.

Првата понуда, според овој портал, е во износ од 30 милиони евра. Сето ова затоа што Флик сака да го зајакне десниот бек. Воедно да биде и алтернатива на Жуле Кунде во одбраната.

Муњоз моментално на пазарот вреди 25 милиони евра, така што Каталонците би го преплатиле. Договорот со Палас му е до 2028 година. Исто така, се наведува дека Муњоза го бара и Атлетико Мадрид, според информациите на англиските медиуми.

Колумбиецот оваа сезона на 8 натпревари од Премиер лигата, постигна гол и запиша две асистенции.