Голем удар за Барселона: Еден од најдобрите играчи ќе го пропушти „Ел Класико“

Време е за првиот овосезонски „Ел Класико“. Сепак, тренерот на Барселона, Ханси Флик, се соочува со голем проблем пред најголемата шпанска фудбалска пресметка.

Како што пренесуваат локалните медиуми, еден од најдобрите играчи на „Блауграна“, Рафиња, не успеа да се опорави од повредата и нема да биде во составот за тимот против Реал Мадрид.

Иако од четврток се зборуваше дека Бразилецот ќе биде во составот, ситуацијата денес се измени, бидејќи 28-годишното крило почувствува болки и го напушти тренингот на Каталонците.

Барселона значително ослабена влегува во дуелот со најголемиот ривал. Германскиот стручен не ќе може да смета и на двајца голмани, Марк-Андре тер Штеген и Џоан Гарсија, како и на Гави, Дани Олмо и Роберт Левандовски.