Ла Лига ја одби жалбата, но Барса не се откажува

Денес пристигна потврда – Ханси Флик доби еден меч суспензија поради црвениот картон во завршницата од натпреварот меѓу Барселона и Жирона.

Барселона веднаш по натпреварот вложи жалба, но дисциплинската комисија на Ла Лига ја одби и денес потврди дека Ханси Флик нема да биде на располагање на неговиот тим во неделното “Ел Класико”.

Каталонските извори пишуваат дека Барселона ќе се обиде да вложи уште една жалба, бидејќи во клубот и натаму веруваат дека Германецот е престрого исклучен, но малку кој верува дека Ла Лига ќе ја промени својата одлука.

Да потсетиме, по натпреварот и самиот Ханси Флик изјави дека не му е јасно зошто добил црвен картон, односно истовремено два жолти и автоматско исклучување.

Натпреварот Реал Мадрид – Барселона е на програмата во недела во 16.15 часот.