Овие зборови на Ѓоковиќ најверојатно Синер никогаш нема да ги заборави

Повеќе од полуфинале – предизвик во огледало. Така Новак Ѓоковиќ го доживува следниот меч на егзибицискиот турнир „Six Kings Slam“ во Саудиска Арабија, каде што е во прашање место во финалето и значајна парична награда.

На прашањето кој тенисер најмногу го потсетува на него самиот, српскиот ас немаше дилеми: – Синер, секако.

Токму оној што ќе му стои вечерва од другата страна на мрежата. Ѓоковиќ објасни и на што ја темели таа сличност:

– Слаб е како јас, удира силно, тактички е извонредно подготвен и успева да го покрие теренот како малку кој. Ме потсетува на мене во најдобрите денови.

Оваа изјава е само продолжение на низа комплименти кои Ноле во последно време ги упатува на Јаник Синер, Италијанецот кој во изминатите две години му стана сериозен предизвикувач.