Шок од НБА: Еден од најдобрите бекови се пензионира на 32 години!

Познатиот американски кошаркар, Мелколм Бродон, неочекувано објави дека ја завршува својата кариера на 32 години.

Бродон оваа одлука ја соопшти само седум дена пред почетокот на новата НБА сезона, и покрај тоа што во септември потпиша договор со Њујорк Никси и учествуваше во подготвителните натпревари.

Изгледаше сосема извесно дека Никс ќе го имаат Бродон до крајот на сезоната, но тој избра да замине во пензија.

Just in: After nine NBA seasons, New York Knicks guard Malcolm Brogdon has decided to retire from basketball, he tells ESPN. Brogdon became the 2017 Rookie of the Year and 2023 Sixth Man of the Year after being drafted No. 36 in 2016. pic.twitter.com/nablWsQ9mu

— Shams Charania (@ShamsCharania) October 15, 2025

Бродон дојде во НБА лигата на 24 години како 36-ти пик на драфтот во 2016 година.

Во текот на девет сезони во најконкурентната лига на светот, играше за Милвоки Бакс, Индијана Пејсерс, Бостон Селтикс, Портланд Трејл Блејзерс и Вашингтон Визардс.

Во 2017 година беше награден со титулата Руки на годината, а во 2023 година доби признание за најдобар шести играч.

Во периодот од 2019 до 2023 година се сметаше за еден од најдобрите бекови, а најдобрата сезона ја имаше во 2020/2021, кога играше за Индијана со просеци од 21,2 поени, 5,3 скока и 5,9 асистенции.

Кариерата ја заврши со просечна статистика од 15,3 поени, 4,1 скока и 4,7 асистенции по натпревар.