Зидан: Сигурно ќе се вратам, сакам да ја водам Франција

Зинедин Зидан потврди дека сака да стане селектор на Франција. Тој не работи веќе повеќе од четири години и постојано се споменува како потенцијален заменик на сегашниот селектор на “петлите” Дидие Дешан, кој веќе објави дека ќе се повлече од функцијата по завршувањето на Мондијалот 2026.

„Сигурно ќе се вратам како тренер, тоа е мојот план. Имам желба еден ден да ја водам Франција… ќе видиме“, изјави тој на „Фестивалот на спортот“, организиран од „Газета дело Спорт“ во Италија.

Во својата тренерска кариера, Зидан работеше само за Реал Мадрид, како главен тренер на првиот тим во два периода.