Објавен списокот на ѕвезди за кои Барселона со години должи богатство на други клубови

Претседателот на Барселона, Жоан Лапорта, се фалеше дека зад себе оставил финансиски проблеми кои Барселона ги влечела со години. Сепак, вистината е дека сметките сè уште не им се целосно расчистени. И тоа не само затоа што сè уште плаќаат наем за Монжуик додека фудбалот не се врати на Камп Ноу.

Имено, во Европа Барселона се смета дека е во „лоша ситуација” поради парите кои уште ги должи за неколку трансфери. Кунде, Рафиња и Левандовски веќе со години живеат и играат во Барселона, но клубот и понатаму има обврски за целосно исплаќање на нивните оштети, пишува Дефенса Централ.

Барселона вкупно должи 159,1 милион евра на различни клубови за неколку завршени договори. Лидс Јунајтед најлошо помина по продажбата на Рафинја од 2022 година. Поминаа повеќе од три години, а уште треба да им се уплатат 41,9 милиони, што значи дека досега имаат платено нешто повеќе од 16 милиони од вкупниот износ.

Ова се податоци од најновиот економски извештај на Барселона за деловната година која завршува на 30 јуни 2025 година. Освен Бразилецот, Севилја уште треба да наплати 24,5 милиони за Кунде, додека Баерн сè уште бара 20 милиони за Левандовски.

Споменатата тројка моментално претставува најголем дел од останатите обврски, но не се единствени. Манчестер Сити чека уплата од 13,3 милиони за Феран Торес. Долговите се протегаат од Барселона кон различни клубови ширум светот.

Покрај тоа, сè уште треба да платат трансфер на играч кој веќе не е во Барселона. Станува збор за Емерсон Ројал, за кој Бетис должи 8 милиони евра. Играчот моментално е во Фламенго, а меѓувреме помина низ Тотенхем и Милан, па се врати во бразилскиот клуб.

На овој начин, со одложување на плаќањата во сите операции, Барселона успеа да ја преброди бурата после тешка финансиска криза. Долгот е сè уште голем, а дури и ова лето имаа проблеми со регистрацијата на играчи поради финансискиот фер-плеј. Во еден момент сè уште беа во негативни бројки во однос на лимитот на платите.

Какви договори има Барселона?

• Рафиња – 2022, €58 мил. фиксно + €9 мил. бонуси (вкупно до €67 мил.)
• Жулс Кунде – 2022, €50 мил. фиксно + €5 мил. бонуси (вкупно до €55 мил.)
• Роберт Левандовски – 2022, €45 мил. фиксно + €5 мил. бонуси (вкупно до €50 мил.)
• Феран Торес – 2021, €55 мил. фиксно + до €10 мил. бонуси (вкупно до €65 мил.)
• Емерсон Ројал – 2021, €9 мил. Барселона платила Бетис за активирање на опцијата за враќање