Фудбалската федерација на Македонија денеска објави дека пред дуелот со Белгија, кој ќе се одигра на 10 октомври во Гент, ќе биде организирана фан-зона за македонските навивачи.
Собирот е закажан на плоштадот Коренмаркт во центарот на Гент, а фан-зоната ќе започне со работа од 11 часот. Оттаму, навивачите ќе може организирано да тргнат кон стадионот со автобуси.
Од ФФМ дополнително информираат дека е обезбеден и превоз во двата правци – од фан-зоната до стадионот и назад. Тргнувањето кон стадионот ќе биде во 18:45 часот. На промотивниот флаер, преку QR-код, може да се провери и точната локација на собиралиштето.
На трибините во Гент се очекува македонската репрезентација да има силна поддршка – околу илјада наши навивачи ќе бидат присутни на натпреварот кој почнува во 20:45 часот.
Учество во игри на среќа е дозволено за лица со 18+ години. Играј одговорно!