Во последниот натпревар од шестото коло на Премиер лигата, Евертон и Вест Хем одиграа нерешено 1:1 во Ливерпул. Домаќините поведоа преку Мајкл Кин во 16. минута, но Џарод Боуен изедначи за Чеканите во 65. минута. Евертон моментално се наоѓа на деветтото место со осум бодови, додека Вест Хем е претпоследен со само четири поени.
По оваа средба, главна тема беше жолтиот картон за играчот на средината од Евертон, Киернан Дјусбери-Хол. Тој во претходниот натпревар против Ливерпул брзо изведе слободен удар од центарот без дозвола од судијата, што е забрането според новите правила во Премиер лигата оваа сезона. И во дуелот со Вест Хем доби, според некои, прекумерен жолт картон и со тоа ќе пропушти една натпревар поради вкупно петте заработени жолти картони.
Modern refereeing at its finest: Kiernan Dewsbury-Hall Edition pic.twitter.com/fdPZ1Ml1Dd
— Jim Keoghan (@jim_keoghan) September 30, 2025
Данска vs. Македонија: Како тие се справуваат со отпадот, додека ние се расправаме кој е крив?
Неговиот соиграч Џек Грилиш ја коментираше одлуката на судиите: “Никогаш не сум видел некој да добие жолт картон за брзо изведен слободен удар. Не сум сигурен кога е воведено тоа правило”.
Се огласи и Дјусбери-Хол, кој на X напиша: “Извинете ако грешам, но некои одлуки ми е многу тешко да ги прифатам”. На негова страна застана и тренерот на Евертон, Дејвид Мојес, по натпреварот.
“Киернан беше одличен за нас. Постигнува голови и креира шанси за другите. Ќе ни недостига во следниот натпревар. Комично е зошто заработи жолр картон вечерва и во претходниот меч. Ова не е смешно само за мене, многу тренери се загрижени поради таквите одлуки”, изјави Мојес.
Учество во игри на среќа е дозволено за лица со 18+ години. Играј одговорно!