„Аморим е осамен човек, оваа работа си го зема данокот“

Рубен Аморим изгледа загрижувачки лошо на клупата на Манчестер Јунајтед. Поразот на Манчестер Јунајтед со резултат од 3:1 против Брентфорд повторно го стави тренерот Рубен Аморим под сериозен надзор и го доведе во центарот на вниманието.

Поразот предизвика сомнежи во неговите тренерски способности, но и во неговата психичка состојба.

Откако ја презеде екипата минатата сезона, португалскиот експерт сè уште не успеа да врзе две последователни победи во лигата.

Таа серија го остави Манчестер Јунајтед на средината на табелата и го продлабочи незадоволството меѓу фановите на Црвените ѓаволи.

Според наводите на порталот CentreDevils, специјализиран за следење на Манчестер Јунајтед, Аморим е опишан како „осамен човек“ во тренинг-центарот во Керингтон.

Често се, тврди се, дистанцира од играчите за време на тренинг, а по поразот знае да седи со часови во тишина.

Еден извор дури сугерира дека притисокот на работата го „ментално скрши“, претворајќи го во сенка на харизматичната фигура која дојде од Спортинг.

Атмосферата во клубот наводно е на најниска точка во последните неколку години.

Сè повеќе има оние кои се сомневаат во способноста на Аморим да ја преобрати сезоната и да го разбуди заспаниот џин кој живее на Олд Трафорд.

Иако во моментов не се очекува дека Јунајтед веднаш ќе го отпушти 39-годишниот тренер, притисокот расте.