Лоши вести ги стигнаа Барселона и Ханзи Флик по синоќешната победа над Овиедо со 3:1 во Ла Лига.
Каталонците официјално соопштија дека двајца од нивните клучни играчи – Рафиња и првиот голман Жоан Гарсија, се повредени и ќе отсуствуваат од терените некое време.
Данска vs. Македонија: Како тие се справуваат со отпадот, додека ние се расправаме кој е крив?
Во соопштенијата на клубот се открива и колку сериозни се повредите. Бразилецот ќе биде аут околу 3 недели, додека 24-годишниот голман ќе мора да помине хируршка интервенција и ќе отсуствува помеѓу 4 и 6 недели.
“Играчот Рафиња има повреда на средната третина на двоглавиот мускул на десната бедра. Проценетиот период за опоравување е околу 3 недели”, гласи официјалното соопштение на Барселона за бразилското крило, кое беше заменето синоќа во 66-тата минута од натпреварот со Овиедо.
“Играчот Жоан Гарсија има раскинување на медијалниот лигамент на левото колено. Утре ќе биде опериран со артроскопија од д-р Жоан Карлес Монлау. Проценетиот временски период за опоравување е од 4 до 6 недели, во зависност од неговата состојба”, напишаа од Барселона за новото лице на голот од Еспањол.
Учество во игри на среќа е дозволено за лица со 18+ години. Играј одговорно!