„Пиев додека не се онесвестам, ако не беше мојата сопруга ќе бев мртов“ – брутално искрена исповед на Вејн Руни!

Вејн Руни, легендата на Манчестер Јунајтед и англиската фудбалска репрезентација, во интимно интервју за подкастот “Rio Ferdinand Presents”, отворено проговори за тежок период во неговата кариера кога се борел со себе!

Тој период беше особено поврзан со проблемите со алкохол и внатрешните борби кои му го загрозуваа животот.

– Искрено верувам дека денес не би бил жив без поддршката од Колин – рече Руни, осврнувајќи се на својата сопруга со која е заедно уште од младини:

– Колин е исклучителна личност. Двајцата сме од истото место, растевме заедно, бевме заедно од тинејџерски денови, потоа се венчавме и имаме семејство. Кога имав само 17 години, веќе беше свесна каков сум – страстен за фудбалот, но и сакајќи да излегувам. Таа го забележа тоа рано и ми помогна да ги држам работите под контрола.

Руни, моментално втор најдобар стрелец во историјата на англиската репрезентација, веднаш по Хари Кејн, не се срамеше да признае дека направил сериозни грешки.

– Направив многу грешки, и сето тоа е документирано. Понекогаш сум различен, понекогаш сум изгубен, но таа ме држи на вистинскиот пат повеќе од 20 години. Таа е најдобрата личност што некогаш сум ја сретнал.

Во разговорот со својот поранешен соиграч Рио Фердинанд, Руни откри дека во еден период од животот имал навика да пие додека не се изгуби себеси.

– Поминував низ разни предизвици, на теренот и вон него. Алкохолот ми беше спас. Кога бев во дваесеттите, можев да поминам денови сам во куќата, без да излезам надвор, само пиејќи – додека не се изгубам. Не сакав да бидам меѓу луѓе бидејќи се чувствував посрамотен, мислејќи дека ги разочарав многумина. Не знаев како да се справам со тоа, и мислев дека алкохолот ќе ми помогне да ги надминам тие тешкотии.