На Хари Кејн му остануваат уште речиси две години од договорот со Баерн Минхен, каде што тој и неговото семејство се среќни, но идејата за враќање во Премиер Лигата сè уште е присутна. Според извештаите од Германија, капитенот на англиската репрезентација би можел да се врати во својата татковина веќе следното лето благодарение на тајна клаузула во неговиот договор, пишува Mirror.
Кејн (32) има договор со Баерн до јуни 2027 година, но неговата иднина во клубот сега е доведена во прашање. Германскиот весник Bild наведува дека во неговиот договор постои механизам кој му овозможува да замине. Според тие информации, Кејн може да го напушти Баерн за околу 67 милиони евра следното лето, но само под услов клубот да биде известен за тоа пред крајот на зимскиот трансфер период во јануари.
Кој ќе победи во Beer Pong - Лига на Шампиони
Самиот Кејн не остава впечаток дека форсира заминување. „Животот е добар. Досега беше одлично искуство, уживам тука, семејството ужива, затоа да, со нетрпение ја очекувам следната сезона”, изјави тој во текот на летото.
На крајот од минатата сезона додаде: „Мислам дека во фудбалот, во животот, никогаш не знаете што ве чека зад аголот. Но, што се однесува до мене, многу сум среќен тука во Минхен. Моето семејство се смести. Моите деца уживаат тука во училиштето. Ова е мојот живот тука во догледна иднина.”
„Го сакам тренерот. Го сакам тимот овде. Мислам дека само што започнавме, дека гледаме филм, навистина успешно доба за овој клуб, и сакам да бидам голем дел од тоа. Кој знае колку години, но сигурно сакам да сум тука некое време”, заклучи Кејн.
Учество во игри на среќа е дозволено за лица со 18+ години. Играј одговорно!