„Франс Фудбал“ проемни едно важно правило за да не се знае освојувачот на „Златната топка“ до последен момент

Златната топка вечерва на свечената церемонија во Париз во Театарот „Шатле“ во Париз.

Ламин Јамил изгледа како единствениот кој може да ја расипе забавата што Франција ја подготвува за ПСЖ по одличната сезона на тимот под водство на Луис Енрике.

Европскиот шампион очекува да освои повеќето награди, но не е сигурно дали Осман Дембеле, кој се смета за голем фаворит, навистина ќе излезе на сцената да го прими признанието за најдобар играч на минатата сезона.

Никој не се осмелува да го предвиди исходот, а организацијата „Франс Фудбал“ нема да го открие победникот до последниот момент, за да се избегнат контроверзии како минатата година кога Реал Мадрид, утрото пред церемонијата, дозна дека Винисиус не е победник, туку Родриго.

Ниту еден член од делегацијата на Реал на крајот не отпатува за Париз, иако беа подготвени за патувањето.

Во ова издание Реал Мадрид нема фаворит, иако Мбапе може да заврши на подиумот. Сепак, организаторите веќе се информирани дека „кралскиот клуб“ повторно ќе го бојкотира настанот, вклучително и Килијан.

Максимални напори се вложени за што подобро чување на тајната до неколку минути пред да биде прогласен победникот на церемонијата, водена од Руд Гулит и Кејт Скот.

Уште минатата година беше укинато традиционалниото интервју со победникот неколку дена пред свеченоста, токму за да се избегне истекување на информации.

Франција се надева да го круниса Дембеле после неговата извонредна сезона, и во бројки и во освоени трофеи. ПСЖ јавно го поддржа својот играч, иако самиот клуб не знае дали неговиот играч ќе го освои ова признание.

Свесни се за дополнителниот ризик, дури осуммина други кандидати од истиот тим можат да му „одземат“ гласови на Дембеле. Во секој случај, во клубот тврдат дека не постојат никакви притисоци и тие исто така чекаат официјално објавување.

Освен Златната топка, ПСЖ има речиси сите фаворити за останатите признанија. Донарума е главниот кандидат за најдобар голман, Дуе за најдобар млад играч, а Луис Енрике за најдобар тренер.