Грција по голема борба против Финска освои бронза на Евробаскетот

Кошаркарите на Грција триумфираа со 92-89 против Финска во битката за трето место на Евробаскетот.

Нашиот јужен сосед ја доби првата четвртина со 24-15, по што доминираше и во втората четвртина за водство од 48-34 на полувреме.

Грција ја одржуваше предноста и на стартот на второто полувреме, но Финска се разигра во последната четвртина кога го внесе мечот во драматична завршница.

Финска, сепак, немаше сила да направи целосен пресврт и Грција го освои третото место на натпреварувањето.