Новиот голман на Манчестер Сити, Џанлуиџи Донарума, изјави дека е горд што дошол во еден од најголемите светски клубови.
„Многу сум возбуден и горд што стигнав овде, Манчестер Сити е еден од најголемите светски клубови. Отсекогаш сакав да играм во Премиер лигата, која според мене е најдобрата во светот. Едвај чекам да ја започнам оваа нова авантура со клубот кој има желба да ги освои сите можни трофеи. Свесен сум за одговорноста, но сакам да помогнам на клубот да ги оствари своите цели”, рече Италијанецот за клупскиот сајт.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Донарума (26) пристигна во Манчестер Сити како замена за Едерсон кој, по долги години, го напушти клубот и премина во Фенербахче.
Голманот на италијанската репрезентација пристигна во Манчестер Сити од Пари Сен Жермен со кого во мај ја освои Лигата на шампионите. Со Италија го освои Европското првенство кое се одржа во 2021 година.
Учество во игри на среќа е дозволено за лица со 18+ години. Играј одговорно!