Интер веќе си направи план за млад дефанзивец за следното лето

Иако летниот трансфер прозорец заврши неодамна, во Интер веќе одлучиле кој дефанзивец сакаат да го доведат наредната година, според информациите на Фабрицио Романо и Матео Морето. Станува збор за 21-годишниот Жоел Ордонес од Бриж.

Миланскиот гигант започнал истражувачки преговори за еквадорскиот репрезентативец во последните неколку недели, но нивната намера е да го привлечат кога ќе заврши оваа сезона.

Ова лето интерес за него покажаа Марсеј и Ал-Хилал, но младиот дефанзивец на крајот одлучи да остане во Бриж. Тој веќе има две сезона зад себе во белгискиот клуб, со вкупно 84 натпревари, 4 гола и 2 асистенции.