Шведскиот напаѓач Александар Исак би можел да стане најголемата приказна во последните денови од летниот преоден рок. Според добро информираниот новинар Фабрицио Романо, ситуацијата околу 24-годишниот голгетер на Њукасл и понатаму останува неизвесна, но со јасна желба од страна на фудбалерот – преселба на „Енфилд“.
Исак, кој важи за еден од најскапите играчи во тимот на „страките“, наводно инсистира на трансфер во Ливерпул, а неговата решителност дополнително ја зголемува можноста за голем пресврт на фудбалскиот пазар. „Црвените“ од Мерсисајд, пак, се подготвени да испратат нова официјална понуда, но само доколку раководството на Њукасл покаже подготвеност да преговара за продажба.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Претходно се шпекулираше дека Њукасл нема намера да се раздели со својот прв напаѓач, но финансиските аспекти и интересот од клуб со реноме како Ливерпул би можеле да ја сменат нивната позиција.
Доколку трансферот се реализира, тоа би бил еден од најзвучните потези на летото, а Арне Слот би добил напаѓач со брзина, техника и голгетерски инстинкт кој би можел значително да ја засили офанзивната моќ на Ливерпул.
Фото: Принтскрин
Учество во игри на среќа е дозволено за лица со 18+ години. Играј одговорно!