Трикратниот МВП на најсилната лига во светот не престанува да импресионира, а неговото магично додавање до Арон Гордон беше прогласено за најдобро во претходната НБА сезона.
Сомборецот просечно бележеше историски трипл-дабл, со 10,2 асистенции по натпревар. На речиси секој меч барем неколку од нив беа од категоријата неверојатни, но едно особено го привлече вниманието на љубителите на кошарката ширум светот.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Секоја година фановите со своите гласови ја бираат најдобрата асистенција од минатата сезона, а годинава изборот падна на пасот забележан на 26 март при дуелот со Милвоки Бакс.
Нагетс славеа на својот терен со резултат 127:117, а Јокиќ со фантастична партија (39-10-10) го предводеше тимот. Публиката најмногу ја воодушеви со додавањето зад грб кон Арон Гордон, кој неговиот одличен потег го круниса со забивање.
Сега 30-годишникот од северот на Србија ќе се фокусира на освојување на долго очекуваното злато со Орлите на Евробаскетот, кој ќе се одржи од 27 август до 14 септември. Избраниците на Светислав Пешиќ во групата ќе ги одмерат силите со Турција, Чешка, Португалија, Естонија и домаќинот Летонија.
🚨 The results are in for State Farm Assist of the Year 🚨
— NBA (@NBA) August 24, 2025
Nikola Jokić wins the 2025 NBA Fan Favorites Award for his no-look, over-the-shoulder pass as voted by YOU, the fans! pic.twitter.com/37TjxVEF50
Фото: Принтскрин
Учество во игри на среќа е дозволено за лица со 18+ години. Играј одговорно!