Манчестер Јунајтед го прави најголемото изненадување во трансфер периодот

Манчестер Јунајтед интензивно бара ново решение за голманската позиција, бидејќи Анре Онана и Алтај Бајиндр засега не ги оправдаа очекувањата. Во последните денови, како главен кандидат почесто се спомнува 23-годишниот Сене Ламенс, првиот голман на Ројал Антверпен. Според информациите на „Гол“, ова би можело да биде најголемото изненадување во трансфер периодот.

Ламенс во последните две сезони одигра дури 93 натпревари за Антверпен – 41 минатата сезона и 52 претходната – и стекна големо искуство и покрај својата младост. Англиските медиуми пишуваат дека белгискиот чувар на мрежата веќе се договорил околу личните услови со Јунајтед, а трансферот би можел да изнесува околу 23 милиони евра.

Статистиките говорат во корист на Белгиецот. Минатата сезона беше најдобриот голман во светот во категоријата на спасени очекувани голови (xGOT), со импресивни 16,47. Забележа 127 одбрани со успешност од 81,4 проценти, што е повеќе од сите голмани во Премиер лигата. За споредба, Роберт Санчез од Челзи беше најдобар во Англија со 76,4 проценти.

Освен со своите одбрани, Ламенс се истакнува и со играта со нога – е меѓу водечките по бројот на успешни додавања и кратки пасови, а минатата сезона успеа да одбрани и четири пенала. Ваквите перформанси му донесоа и првиот повик во сениорската репрезентација на Белгија во март оваа година.

За Ламенс интерес покажуваат и клубови од Англија, Италија и Франција, но Јунајтед би можел да биде најбрз и значително да го забрза процесот. Според белгиските извори, преминот во Олд Трафорд би бил остварување на сонот за младиот голман.