Донарума продолжува да тренира со ПСЖ во очекување на одлука

Џанлуиџи Донарума продолжува да тренира со Пари Сен Жермен, иако се очекува да го напушти клубот, јавува „Екип“.

Голманот не беше во групата за првите два натпревари на тимот оваа сезона, бидејќи не се договори за обновување на договорот кој истекува следното лето.

Донарума тренира со тимот, но се очекува да не учествува во подготовките за натпреварите и да се подготвува во периферијата. До затворањето на трансферниот прозорец остануваат 11 дена и дотогаш се очекува одлука за неговата иднина. Според англиските медиуми, Манчестер Сити е фаворит за неговиот потпис, но „граѓаните“ треба да постигнат договор со ПСЖ за трансферната сума.

Денес Луис Енрике ја коментираше ситуацијата со Донарума: „Ова се тешки одлуки, но јас немам проблем да ги правам. Но, нема да објаснувам ништо. Ги разбирам критиките, но ние сме спокојни“.