Осумгодишно дете руши рекорди – потпиша договор со „Најк“!

Само осум години и веќе има потпишан договор со „Најк“ – звучи неверојатно, но е вистина.

Бразилскиот момче Натанзињо (8) потпиша договор со спортскиот гигант и предизвика големо внимание на јавноста. Овој напаѓач игра за младинскиот тим на Фламенго и веќе руши рекорди.

Во историјата на славниот клуб од Рио де Жанеиро, никогаш досега немало помлад играч што потпишал договор за спортска опрема. Според известувањата на бразилскиот портал O Globo, „Најк“ навреме ги обезбеди правата на ова супер талентирано момче што е јасна порака за големите очекувања.

Има причина за тоа. Минатата сезона Натанзињо беше најдобриот стрелец на У-8 првенството на Рио де Жанеиро со 18 голови. Тој блескаше и на Иберкупот во Рио, каде постигна единаесет голови и беше избран за најдобар играч на турнирот. Португалскиот весник A Bola предвидува дека ова момче ќе биде тема на разговор во годините што доаѓаат.