Баерн Минхен се откажа од ѕвездата на Челси!?

Во последните 24 часа, откако пропадна трансферот на напаѓачот Ник Волтемајде од Штутгарт, спортскиот директор на Баерн, Макс Еберл, во текот на преостанатиот дел од трансфер периодот ќе се фокусира на позајмици, најави германскиот новинар Флоријан Плетенберг.

Ова значи дека доаѓањето на напаѓачот Кристофер Нкунку сега е тешко остварливо, и покрај постигнатиот договор меѓу играчот и Баерн. Челси, наиме, пак рече дека дозволува само постојан трансфер, а не позајмица. Поради тоа се фрустрирани сите вклучени во преговорите: Нкунку, Еберл, спортскиот директор на Баерн Кристоф Фројнд и тренерот Винсент Компани.

Како што известува Скај Спорт, РБ Лајпциг сè уште е во игра. Преговорите со Челси никогаш не беа целосно прекинати, а интересот за францускиот напаѓач покажуваат уште неколку клубови, не само Лајпциг.

Фото: Принтскрин