Селекторот на Бразил, Карло Анчелоти, го објави списокот на фудбалери за квалификациите за Светското првенство против Чиле и Боливија и предизвика изненадување во бразилската јавност.
Списокот на Анчелоти не го вклучува најголемата ѕвезда Винисиус Жуниор, и покрај тоа што Бразилскиот сојуз за фудбал (CBF) го постави играчот на Реал Мадрид на постерот за натпреварот на домашен терен против Чиле на 5 септември.
FALTAM 20 DIAS! 🫵
— brasil (@CBF_Futebol) August 15, 2025
Tá chegando a hora de vestir a camisa e empurrar a Seleção em mais uma etapa! 🇧🇷
Dia 04/09, às 21h30, o Brasil enfrenta o Chile no Rio de Janeiro!
Bora com tudo, BORA BRASIL! 💛💚 pic.twitter.com/MODtE8GN03
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Пет дена подоцна, Бразил ќе биде гостин во Боливија, а според ексклузивните информации на бразилскиот весник О Глобо, списокот на повикани фудбалери кои Анчелоти ги испратил до клубовите го нема името на 25-годишниот Винисиус.
Анчелоти, кој има голем удел во трансформацијата на Винисиус во еден од најдобрите фудбалери денес, се одлучи на овој чекор поради едноставна причина.
Имено, Винисиус против Парагвај во јуни го постигна единствениот гол во мечот што му обезбеди на Бразил пласман за Светското првенство, но заработи втор жолт картон во квалификациите и не може да игра против Чиле.
Тоа значи дека Винисиус би пристигнал на собирот само за еден меч, па Анчелоти реши да го поштеди бидејќи натпреварот против Боливија се игра во Ел Алто, на висина од дури 4.100 метри, што претставува огромен напор за организмот.
Официјалниот список на играчи за натпреварите против Чиле и Боливија, Анчелоти ќе го објави во понеделник во Рио де Жанеиро.
Учество во игри на среќа е дозволено за лица со 18+ години. Играј одговорно!