Џејми Варди има повеќе понуди, но очајно сака само во еден клуб

Џејми Варди, легендарниот напаѓач на Лестер, наводно очајно сака кариерата да ја продолжи во Селтик и повторно да работи со тренерот Брендан Роџерс. Целта му е да игра професионален фудбал до својата 40-та година. Поранешниот англиски репрезентативец се надева на трансфер во Шкотска пред затворањето на трансфер периодот, пишува „The Sun“.

Иако Брендан Роџерс сака да го доведе 38-годишниот напаѓач во својот тим, мора да се натпреварува со конкуренцијата. За услугите на Варди се заинтересирани англиските прволигаши Вест Хем и Брентфорд, но и амбициозниот Врексам, клуб во сопственост на холивудските ѕвезди Роб МекЕлхени и Рајан Рејнолдс.

Варди цело лето ја бара нова екипа, а формата ја одржува тренирајќи со личен тренер. Извори блиски до играчот тврдат дека е целосно подготвен и уверен дека може да се натпреварува на највисоко ниво уште една или две сезони, што би значело дека врвен фудбал би можел да игра и на 40 години.

„Џејми и натаму верува дека може да игра секоја недела и дека има многу да понуди“, рече извор за SunSport. „Тој е примерен професионалец и одржува одлична кондиција.“

Фото: Принтскрин