Лајпциг го замени Шешко со Бразилец, плати 20 милиони евра!

Бразилскиот фудбалер Ромуло потпиша договор на пет години со Лајпциг.

Според магазинот „Кикер“, Лајпциг ќе инвестира до 25 милиони евра за трансферот на 23-годишниот напаѓач, од кои 20 милиони се фиксни, а останатите пет милиони зависат од можни бонуси.

Минатата сезона Ромуло играше како позајмен во Гозтепе, каде постигна 17 гола во турското првенство и Купот. Тој ја започна својата кариера во Атлетико Паранаенсе.

Лајпциг го донесе како замена за Бенјамин Шешко, кој овој месец премина во Манчестер Јунајтед со трансфер кој може да достигне 85 милиони евра.

„Ромуло ги комбинира својата физичка сила со врвна техника и неверојатно чувство за гол. Тој е разновиден во нападот, способен да игра како класична деветка или на други позиции“, изјави спортскиот директор на Лајпциг, Марсел Шефер.

Лајпциг ја отвора новата сезона во сабота со натпревар против четвртолигашот Зандхаузен во Купот, пред започнувањето на Бундеслигата на 22 август, против Бајерн Минхен.

#RBLeipzig verpflichtet den brasilianischen Stürmer #Rômulo von @Goztepe. ✍️🇧🇷
Er unterschreibt einen Vertrag bis2️⃣0️⃣3️⃣0️⃣ und wird künftig die Rückennummer 4️⃣0️⃣ tragen. 🙌

Bem-vindo a #Leipzig! 🔴⚪️🤩 pic.twitter.com/aCAbPu6zku

— RB Leipzig (@RBLeipzig) August 15, 2025