Новиот дрес на Манчестер Сити предизвика бурни реакции од фановите: „Одвратен е, најлошиот досега“

Новата сезона во Премиер лигата наскоро започнува, а Манчестер Сити со еден потег успеа да ги изнервира своите навивачи. Тимот на Пеп Гвардиола ја отвора сезоната 2025/26 во сабота гостувајќи кај Вулвс, каде веројатно ќе го носи својот нов син домашен дрес. Додека домашниот и вториот, целосно црн дрес, беа добро прифатени, третиот предизвика згрозување, пишува Дејли Мејл.

Инспириран од манчестерскиот дожд

Клубот од Етихад го претстави третиот дрес чија оригинална верзија чини 130 фунти, а репликата 85 фунти. Овој дрес содржи необична комбинација на сива и електрично зелена боја. Деталниот поглед покажува дезен од дождливи капки врежани на дресот, што би требало да го симболизира типичното дождливо време во Манчестер.

Од Пума изјавија дека дизајнот е “инспириран од познатото манчестерско време” и “наменет за оние кои го носат Сити во своето срце, без разлика дали е дожд или сонце”, стои на веб-страницата на клубот.

Представуваме го нашиот нов трет дрес за 25/26 👊

Нарачајте веднаш ⤵️

— Manchester City (@ManCity) 14 август 2025