Млад фудбалер имаше неверојатна среќа: Постигна гол па заврши во канал длабок три метри (Видео)

Неверојатна ситуација со многу среќа за младиот индонезиски фудбалер.

Мохамад Мирза Фирјатулах, кој игра за репрезентацијата на Индонезија до 17 години, несекајќи се најде во каналот меѓу теренот и трибините за време на прославата на својот гол против Таџикистан во Купот на независноста.

Во 34-та минута се случи необична сцена. Откако постигна гол, овој млад фудбалер прескокна рекламна тараба кон јужната трибина, сакајќи да прослави со навивачите. Но, за жал, откако ја прескокна оградата, падна во канал длабок околу три метри.

За среќа не претрпе сериозни повреди. Продолжи да игра на натпреварот, но во второто полувреме беше заменет. Селекторот на Индонезија изјави дека здравствената состојба на играчот не е повод за загриженост.

Средбата заврши со резултат 2:2.

Мирза Фирјатулла падна во каналот при прославата на голот.
Мирза не знаеше дека има канал пред трибините на главниот стадион во Сумут.

Мак Тратап!! Боже, колку е високо
#PialaKemerdekaan2025 pic.twitter.com/gRGw8ND7ix

— Сиаран Бола Лив (@SiaranBolaLive) 13 август, 2025