Официјално – Лион и Матиќ се разделија

Фудбалскиот клуб Олимпик од Лион соопшти дека Немања Матиќ е слободен агент.

Триесет и седумгодишниот играч од средниот ред, по една и пол сезона на „ОЛ парк“ каде што беше важна фигура особено откако стигна Пауло Фонсека, мораше да замине. 

Причината е пред сè неговата плата која го оптоварува буџетот на Лион. Тој имаше договор со „лавовите“ до јуни 2026 година и беше третиот најплатен играч во клубот, веднаш по Алекс Лаказет кој исто така си замина, и Корентан Толисо, така што во меѓувреме напредуваше на второто место.