Страшна сцена: Млад фудбалер на Манчестер Јунајтед доживеа хорор повреда, натпреварот беше прекинат (Видео)

На вчерашниот натпревар од Англискиот куп за играчи до 21 година, натпреварот беше прекинат и откажан откако младиот фудбалер Секу Коне доживеа сериозна повреда и изгуби свест.

Коне, кој е член на репрезентацијата на Мали, се повреди додека настапуваше за својот Манчестер Јунајтед против екипата на Тамварт.

Натпреварот, кој се играше синоќа, беше прекинат во завршницата на првото полувреме кога Коне беше тешко повреден по судар со противнички играч и веднаш падна без свест.

Sekou Kone head collision 💔 get better soon champ pic.twitter.com/Tz4rZP4iMb

— Dr. ADO (@WilliamAdoasi) August 13, 2025

Навивачите беа во шок и се молеа за младиот играч додека тој целосно изгуби свест на теренот. Брзата помош реагираше веднаш и му беше обезбеден потребен третман на самото место.

Update on Sekou Kone after he sustained a head injury in tonight’s National League Cup game:

Sekou is conscious, stable and communicating with United’s medical team.

He has been taken to hospital as a precaution for further checks.

❤️

— Manchester United (@ManUtd) August 13, 2025

Деветнаесетгодишниот фудбалер беше изнесен со носилки и маска на лицето. Подоцна беше објавено дека натпреварот е откажан.

Среќа во несреќата, Манчестер Јунајтед издаде соопштение неколку часа по завршувањето на натпреварот, каде се потврди дека Коне е свесен и во стабилна состојба.

“Можеме да потврдиме дека Секу е свесен, стабилен и комуницира со медицинскиот тим на Јунајтед. Како превентивна мерка, тој беше префрлен во болница за понатамошни испитувања. Целиот клуб посакува брзо опоравување,” беше наведено во соопштението на Манчестер Јунајтед.