УЕФА пред вчерашниот Суперкуп испрати јасна порака до Израел (Фото)

УЕФА вчера ја објави најновата хуманитарна иницијатива со цел да се помогне на децата погодени од војна, особено во Појасот Газа, а потоа на натпреварот од Суперкупот на Европа меѓу ПСЖ и Тотенхем, упати јасна порака на Израел.

Фондацијата на УЕФА воспостави нови партнерства со три познати хуманитарни организации кои обезбедуваат клучна помош за децата во Газа – Лекари на светот (Médecins du Monde), Лекари без граници (Médecins Sans Frontières) и Handicap International.

„Како и што да мислат возрасните кои водат војни, децата се невини. Но во секој судир, тие секојдневно умираат и мораме да направиме сѐ што можеме за да помогнеме на оние кои се обидуваат да го направат животот поднослив и нормален“, истакна претседателот на УЕФА и претседавач на Фондацијата, Александар Чеферин.

Пред почетокот на натпреварот, покрај логото на Суперкупот на Европа на тревата на стадионот во Удине беше поставен голем транспарент со натписот „Престанете со убивањето на деца, престанете со убивањето на цивилите“, што е силна порака до Израел поради дејствијата врз палестинското население во Појасот Газа.

Од Суперкупот на УЕФА во Удине, пораката е јасна и гласна.

Транспарент. Повик. pic.twitter.com/HNjPja4OBk

— UEFA (@UEFA) 13 август, 2025