Флик во шок бидејќи ѕвездата на Барселона „е подготвен да си оди“ по понудата која не се одбива

Ханси Флик би можел да има големи проблеми следната сезона доколку остане без еден од најважните фудбалери.

Имено, ѕвездата на Барселона, Роберт Левандовски може да направи голем трансфер и да ја напушти Барселона ова лето откако доби понуда од 50 милиони евра годишно.

Левандовски наполни 37 години порано овој месец и има договор со Барселона до следното лето. Во Барселона Полјакот пристигна од Баерн во 2022 година.

И покрај тоа што има 37 години, Левандовски играше одлично во дресот на Барселона, минатата сезона постигна 42 гола во 52 натпревари во сите натпреварувања.

Сите очекуваа дека и следната сезона ќе го предводи нападот на Барселона, а тоа го изјави и самиот во јуни за BILD.

“Тоа не е проблем за мене, останувам и следната сезона. Моментално, моите мисли се насочени само кон Барселона.

Нашиот тим ќе биде уште подобар наредната сезона. Физички се чувствувам одлично.

Моето тело е како да имам 30 години. Мислам дека тоа не е лошо бидејќи се чувствувам добро. На крај на краевите, правам тоа што срцето и умот ми велат”, рече Левандовски.

Сепак, сега дојде до одредени промени и иднината на Левандовски во Барселона повеќе не е толку сигурна, а причината е понудата која стигна на неговата адреса од Саудиска Арабија.

Како што пренесува шпанскиот El Nacional, ѕвездата на Барселона доби понуда да потпише договор на две години и би заработил 100 милиони евра.

Фото: Grok AI