„Граѓаните“ попуштаат: Савињо тропа на вратата на Лондон

Се изгледа дека наскоро ќе го видиме Савињо во Лондон. Овој 21-годишен фудбалер на Манчестер Сити веќе некое време се поврзува со Тотенхем, а сега сме уште поблиску до реализацијата на трансферот, според Фабрицио Романо.

Преговорите официјално започнаа, Тотенхем сака што побрзо да го има во своите редови, можеби и пред самиот почеток на првенството, а посебно го посакува Томас Франк, новиот тренер на клубот.

Колку би можел да чини? Тотенхем е подготвен да оди далеку, а Манчестер Сити нема да прифати сума под 45 милиони фунти.

Савињо е отворен за трансфер, сака да го промени клубот бидејќи и тој самиот разбира дека би можел да биде голема ѕвезда на Тотенхем.

Во Манчестер Сити минатата сезона Савињо играше на 29 натпревари во Премиер лигата, постигна еден гол и додаде 8 асистенции.

Фотографија: Принтскрин