Задоцни само осум минути, па Алонсо веднаш реагираше и покажа каде му е местото

Чаби Алонсо го подготвува тимот на Реал Мадрид за напорната сезона и веќе од самиот почеток младиот стратег се обидува да воспостави дисциплина во соблекувалната. Падна и првата казна.

Речиси и да не постои тим во светот што ќе толерира недисциплина, доцнења и прекршувања на правилата, а тоа особено важи за најголемите клубови каде што фудбалерите заработуваат огромни суми.

Чаби Алонсо е во својата прва сезона со Реал и веќе му е јасно дека ќе мора да преземе мерки за да ја држи соблекувалната под контрола.

Првата “жртва” е момчeто што се сметаше за отпишано. Можеби некој како Лука Модриќ би можел да биде поштеден, но нему дефинитивно не. Така, Дани Себалос беше казнет затоа што задоцни осум минути.

Ситуацијата на фудбалерот од Севиља во Реал Мадрид е сложена, бидејќи неговиот договор трае до 30 јуни 2027 година, а Бетис е заинтересиран за негово доведување, но не по секоја цена. Дани е фокусиран на Реал, но неговата цел е да игра значајни минути и да биде важен, што минатата сезона не беше случај.

Од денес, најверојатно Дани Себалос ќе остане во Реал Мадрид, бидејќи моментално не постои екипа што ќе понуди 10-15 милиони евра колку што бара “белата” екипа, или му понуди плата слична на сегашната.

Имајќи предвид тековната состојба во средниот ред на Реал Мадрид, не би имало смисла да се пушти Себалос да замине, бидејќи тој е еден од ретките играчи од тој профил што Чаби го има на расположение. Може да биде важен играч кој придонесува за тимот, како што правеше минатата сезона под водство на Анчелоти.

Сепак, тој веќе доби “жолт картон”, иако не е објавено каква казна му одредил Алонсо. Се претпоставува дека е парична, но следниот пат може да биде и многу построга.

Фото: Принтскрин