Почетокот на новата сезона во Националната лига на Англија донесе шокантен момент на натпреварот меѓу Карлајл Јунајтед и Вокинг – напаѓачот Лук Армстронг ја доживеа несреќата да му биде расцепено лицето откако беше удрен со копачка од противничкиот голман во главата.
Карлајл, кој неодамна испадна од Лига 2, се надева на брзо враќање во повисок ранг. Армстронг, кој е позајмен од Мадервила, донесе предност на својот тим во 57. минута, а подоцна беше вмешан во гужва пред голот, обидувајќи се да го искористи одбитокот.
ВАР во македонскиот фудбал – Разговор со Дејан Јакимовски | Уште еден поткаст
Тој со глава се насочи кон топката, но голманот на Вокинг, Крег Рос, го удри со копачките по десната страна од лицето. Повредата изгледаше страшно, но судијата не го санкционираше инцидентот бидејќи Рос ја зафати топката пред Армстронг и спречи поголемо водство на домаќините.
Армстронг мораше да го напушти теренот, а неговото место го зазеде Џорџи Кели. Само десет минути подоцна, Итaн Робсон од слободен удар ја зголеми предноста на 2:0, што беше и конечниот резултат на натпреварот.
И покрај тешката повреда, во Карлајл на социјалните мрежи споделија фотографија од играчот со оптимистична порака:
Учество во игри на среќа е дозволено за лица со 18+ години. Играј одговорно!