Ал-Наср не запира, започна преговори со Баерн за Коман

Саудискиот Ал-Наср очигледно нема намера да престане со трансферите откако веќе го привлече Жоао Феликс и е на прагот да го доведе и Иниго Мартинес.

Сега клубот на Кристијано Роналдо се насочил кон крилото на Баерн Минхен Кингсли Коман, соопштува ексклузивно Фабрицио Романо.

Ал-Наср веќе започнал преговори со баварците за 29-годишното француско крило. Саудитите го гледаат токму Коман како најдоброто решение за таа позиција.

Во овој момент сè уште не е јасно дали Баерн и самиот играч ќе бидат склони на трансфер, како и колку евентуално би побарале германските шампиони, иако во претходни публикации во германската преса се спомнувала сума помеѓу 35 и 45 милиони евра. Според информациите на новинарот Флориан Плетенберг, саудитите му понудиле на фудбалерот договор до 2028 година со сериозна годишна плата од 20-25 милиони евра нето. Самиот Коман има договор до 2027 година со баварскиот гигант. При негова продажба сигурно ќе треба и да се бара негова замена.

Иднината на фудбалерот е предмет на шпекулации речиси секој трансфер период во последниве години. Минатата година француското крило беше пред премин во друг саудиски клуб – Ал-Хилал, но на крајот одлучи да остане на „Алијанц Арена“.