Шпекулациите за трансферот на англискиот крилен напаѓач Џејдон Санчо (25) добија нов пресврт. Кога се чинеше дека е близу до финализирање на неговото преминување од Манчестер Јунајтед во Јувентус под раководство на Тудор, германските медиуми објавија дека Санчо сака да се врати во Борусија Дортмунд, којашто сега ја води Нико Ковач, каде што одигра најдобар фудбал во својата кариера.
Тренерот на Манчестер Јунајтед Рубен Аморим не смета на Санчо, кој минатата сезона беше на позајмица во Челси. Договорот со Јунајтед му истекува во јуни следната година и Јунајтед мора да го продаде ова лето ако сака барем нешто да заработи. Претходните денови британските медиуми објавија дека Јунајтед се согласил со понудата на Јувентус од 15 милиони евра отштета, но проблем е платата на Санчо од 16 милиони евра по сезона. Не е познато на колкаво намалување на платата се согласил англискиот фудбалер, но преговорите со Јувентус не се реализирани.
Дејан Димовски: Скопје троши 700 литри вода дневно по жител | Уште еден поткаст ↓↓↓
Сега германските медиуми објавија дека Санчо сака да се врати во Борусија, која го донесе во 2017 година од младинската школа на Манчестер Сити. Во четири сезони во „Вестфален“ Санчо постигна 50 голови и додаде 64 асистенции, и во летото 2021 година беше продаден на Манчестер Јунајтед за 85 милиони евра. Таму не успеа да ги повтори игрите од Борусија.
Фото: Принтскрин
Учество во игри на среќа е дозволено за лица со 18+ години. Играј одговорно!