Гвардиола е светски рекордер – потроши 2,48 милијарди евра на засилувања

Еден од најтрофејните тренери во светот, Пеп Гвардиола трошеше многу пари на засилувања во досегашниот дел од кариерата, а тоа го покажуваат и податоците на „Трансфермаркт. Тој е прв на списокот на тренери со потрошени речиси 2,5 милијарди евра на фудбалери.

Гвардиола од 2008 година до денес ги тренираше Барселона, Баерн Минхен и Манчестер сити, а притоа потроши две милијарди и 480 милиони евра на засилувања.

На втората позиција се наоѓа Жозе Мурињо, кој на нови фудбалери потроши неверојатни 1,96 милијарди евра, а во кариерата досега ги тренираше Порто, Челси, Реал Мадрид, Манчестер јунајтед, Тотнем, Рома и Фенербахче.

Третото место на листата е резервирано за Карло Анчелоти, кој на засилувања потроши 1,83 милијарди евра. Во кариерата тренираше екипи како Јувентус, Милан, Челси, ПСЖ, Реал Мадрид, Баерн Минхен и други, а во моментов е селектор на Бразил.

Фото: Принтскрин