Голем ден во Ливерпул: Засилувањата од 308 милиони евра си ги избраа броевите! (Видео)

Ливерпул, шампионот на Англија, претстави пет значајни засилувања за наредната сезона, што го поставува како фаворит и за следната титула.

Со задржан јадрото на победничкиот тим, Ливерпул на средината од трансфер периодот потроши неверојатни 308 милиони евра.

Вкупно пет големи имиња се веќе дел од составот, а се очекува и пристигнување на Александар Исак од Њукасл.

Флориан Вирц, Хуго Екитике, Милош Керкез, Џереми Фримпонг и уште претходно, Георги Мамардашвили, кој се присоедини по неговиот заем во Валенсија, се новите лица во тимот.

Гигантот вложи 308 милиони евра во овие нови играчи, а сега ги претставија истите, заедно со броевите кои ќе ги носат на натпреварувачките дресови.

Најблескавата ѕвезда е несомнено Флориан Вирц, за кој Ливерпул плати 125 милиони евра на Бајер Леверкузен. Вирц ќе игра со бројот 7 на својот дрес.

Хуго Екитике ќе носи број 22, додека Милош Керкез се одлучи за бројот 6. Џереми Фримпонг ќе биде со бројот 30 во тимот, а голманот Мамардашвили ќе игра со бројот 25 на дресот.

Разбудете се со некои бројки на тимот… 🤩 pic.twitter.com/Hbl1KSh2vh

— Liverpool FC (@LFC) August 1, 2025