Барселона победи во спектакуларен натпревар со десет гола, магија и на Јамал (Видео)

Барселона ја продолжи азиската турнеја со убедлива победа од 7:3 против јужнокорејскиот Сеул. Во спектакуларниот дуел полн со голови и атрактивни потези, особено се издвои Ламине Јамал (18), кој за првпат постигна гол облечен во дресот со број 10.

Веќе во осмата минута од натпреварот Барселона поведе преку Роберт Левандовски, кој го постигна голот откако ударот на Јамал заврши на стативата. Младиот шпански репрезентативец набрзо го постигна и својот прв погодок на натпреварот, одземајќи ја топката од одбраната на домаќинот и ладнокрвно совладувајќи го голманот за 2:0.

Сепак, Сеул стигна до израмнување. Прв погоди Чо Јунг-вук, а потоа и Јазан Ал-Араб по корнер. Барселона брзо се врати во водство, а Јамал со вториот гол, по одличен пас од Дани Олмо, покажа зошто ја доби легендарната десетка.

Во продолжение, тренерот Ханси Флик го промени скоро целиот тим, но ритамот на Барселона не падна. Андреас Кристенсен ја зголеми предноста на 4:2 со прецизен удар од далечина, а потоа Гави, кој ја носеше капитенската лента во второто полувреме, го постигна голот за 5:2 по одлична комбинација во шеснаесетникот. Домаќините повторно намалија, но Феран Торес со два гола до крајот на натпреварот го постави конечниот резултат 7:3.

Барселона со оваа победа продолжува да ја гради пред новата сезона. Тренерот Флик го искористи натпреварот за да тестира голем број играчи, вклучувајќи и млади таленти кои добија значајна минутажа..