Донарума може да бира – Манчестер, Лондон или Минхен?!

Џанлуиџи Донарума одлучил да се раздели со Пари Сен Жермен, откако со овој тим освои се што можеше да се освои..

Парижаните не биле подготвени да му го понудат барането за обновување на договорот, па разделбата е неминовна година пред истекот. ПСЖ не сака да дозволи Донарума да замине без отштета, исто како што дојде тоа познато лето 2021 година со Лео Меси, Серхио Рамос и Жоржињо Вајналдум.

Сега Донарума разгледува понуди од други клубови, а таквите не недостасуваат. Се пишуваше за интересот на гигантите од Манчестер, но Јунајтед и Сити не се единствените опции.

Според доверливи извори, Баерн Минхен и Челзи ќе бидат дел од трката за негов потпис!

Иако Мануел Ноер го продолжи договорот, наредната година ќе наполни 40, и ова сигурно ќе биде неговата последна сезона. Донарума изгледа како идеална долгорочна замена, па не изненадува што Баварците се заинтересирани за него.

Што се однесува до Челзи, исто така нема изненадување што “сините” се во трката. На почетокот на летото, Челзи се обиде на секој начин да го доведе Мајк Мањан, но договор не се постигна. Иако Роберт Санчез блесна на Светското првенство за клубови, можноста да се доведе Донарума по пониска цена е идеална можност на пазарот.

ПСЖ веќе размисува и за замена, Лука Шевалие од Лил, кој ќе чини минимум 40.000.000 евра.

Донарума ги разгледува понудите, се споменува и Галатасарај, но е јасно дека Италијанецот нема да се пресели во Истанбул поккрај опции како Лондон, Минхен или Манчестер…