Александар Митровиќ во Манчестер Јунајтед? Се најавува трансфер на кариерата

Александар Митровиќ, најдобриот голгетер во историјата на фудбалската репрезентација на Србија, би можел наскоро да се пресели во редовите на англискиот гигант – Манчестер Јунајтед.

Вестите кои пристигнуваат од Премиер лигата носат информации дека српскиот напаѓач е на мета на „Црвените ѓаволи“, и дека трансферот кој се смета за можност на „кариерата“ е сѐ поблиску до остварување.

Причината за евентуалното негово заминување од Саудиска Арабија е тоа што новиот тренер на Ал Хилал, Симоне Инзаги, наводно не смета на Митровиќ за следната сезона. Поради ова, се очекува српскиот голгетер да го напушти клубот, а Манчестер Јунајтед внимателно ја следи ситуацијата.

Клубот од Олд Трафорд е сериозно заинтересиран да го донесе Митровиќ, но точниот тајминг зависи од тоа како ќе се развиваат односите помеѓу него и Ал Хилал.

Сѐ уште не е јасно колку Манчестер Јунајтед е подготвен да понуди за услугите на Митровиќ, но сосема е извесно дека ваков трансфер би бил еден од најзначајните во кариерата на 30-годишниот напаѓач.

Митровиќ досега во кариерата има играно за Партизан, Андерлехт, Њукасл Јунајтед, Фулам и Ал Хилал, а враќањето во англиската елита би претставувало повторно враќање во лигата во која веќе остави длабок впечаток.